ജനാധിപത്യത്തിനു ചേര്‍ന്നത്‌ ' അവസരവാദം' മാത്രമോ ..?
=========================================================
ജനാധിപത്യ സമ്പ്രദായത്തിലെ ഇന്നേ വരെ ഉള്ള ചലനങ്ങള്‍ നിരീക്ഷിച്ചാല്‍ , വിട്ടു വീഴ്ച്ച്ചകളും പ്രീണനങ്ങളും ഇല്ലാതെ ഏതെങ്കിലും രാഷ്ട്രീയ പാര്‍ട്ടിക്ക് ഭരിക്കാനോ മുന്നേറാനോ സാധിച്ചിട്ടുണ്ടോ .? അതായത് ഒരു തരത്തിലുള്ള തീവ്ര ആശയങ്ങളും ജനാധിപത്യത്തില്‍ വിജയം തരില്ല. വിജയിക്കണമെങ്കില്‍ അത്തരം ഉറച്ച ആശയങ്ങളില്‍ വെള്ളം ചേര്‍ത്ത്‌ അവസരങ്ങള്‍ക്ക് ആണ് സരിച്ചു നിലപാടുകള്‍ മാറ്റിക്കൊണ്ടിരിക്കണം . ശരിയല്ലേ ..? നിങ്ങള്‍ ഒന്ന് ചിന്തിച്ചു നോക്കൂ ..?
ഇടതു പക്ഷ പ്രസ്ഥാനത്തിനു കേരളത്തില്‍ ആദ്യമായി അധികാരം ലഭിച്ചപ്പോള്‍ ആദ്യകാലങ്ങളില്‍ അവര്‍ ഭൂപരിഷ്ക്കരണം പോലുള്ള നടപടികളിലൂടെ മുന്നോട്ടു പോയെങ്കിലും പിന്നീട് പിടിച്ചു നില്‍ക്കാന്‍ ഉള്ള അടവുകളുടെ ഭാഗമായി പല പല പ്രീനനങ്ങളും അവസരവാദങ്ങളും തുടങ്ങി. മലപ്പുറം ജില്ല യില്‍ തുടങ്ങി സ്വാശ്രയ കോളേജ്‌ വഴി വിസ്മയ പാര്‍ക്കില്‍ എത്തി നില്‍ക്കുന്ന ഈ പ്രീണന അവസരവാദ നയങ്ങളാണോ ഒരു ഇടതു പ്രസ്ഥാനം ചെയ്യേണ്ടിയിരുന്നത് ? അവരിന്നു മുസ്ലിം ,ക്രിസ്ത്യന്‍ ഭൂരിപക്ഷ പ്രദേശങ്ങളില്‍ ആ വിഭാഗങ്ങളില്‍ പെടുന്ന സമ്പന്നന്മാരെ അല്ലെ സ്ഥാനാര്‍ഥികള്‍ ആക്കുന്നതും ? ഏതെങ്കിലും ഒരു 'പാവപ്പെട്ട ' നേതാവിനെ അല്ലെങ്കില്‍ അവിടത്തെ മറ്റു സമുദായത്തില്‍ ജനിച്ചു ജീവിക്കുന്ന നേതാവിനെ സ്ഥാനാര്‍ഥി ആക്കുന്നുണ്ടോ ..? ഇന്നവര്‍ 'അധ്വാനിക്കുന്ന ,ഭാരം ചുമക്കുന്ന ,പാവപ്പെട്ടവന് വേണ്ടി എന്ത് ചെയ്യുന്നു..? എളുപ്പത്തില്‍ പണം കിട്ടാന്‍ സാധ്യതയുള്ള സാന്റിയാഗോ മാര്‍ട്ടിന്‍ പോലുള്ള മുതലാളിമാരെ സുഖിപ്പിക്കല്‍ അല്ലാതെ ..?
ഭാരത ഭരണത്തില്‍ ഒരിക്കല്‍ ശ്രീമതി ഇന്ദിരാഗാന്ധി കുറച്ചു ഉറച്ച തീരുമാനങ്ങളും ,നിലപാടുകളുമായി മുന്നോട്ടു പോകുകയുണ്ടായല്ലോ .അവ നമുക്ക്‌ സ്വീകാര്യമായിരുന്നവ അല്ലായിരിക്കാം. പക്ഷെ അവസരവാദങ്ങളോ ,ആരെങ്കിലും എന്തെങ്കിലും പറഞ്ഞാല്‍ ,സമ്മര്‍ദം ചെലുത്തിയാല്‍ മാറ്റ്പ്പെടുന്നവയോ മറ്റോ ആയിരുന്നില്ലല്ലോ. പക്ഷെ പിന്നീട് എന്ത് സംഭവിച്ചു ? !
അത് പോലെ സര്‍വ്വ എതിര്‍പ്പുകളെയും ചെറുത്തു തോല്‍പ്പിച്ച് ഒരിക്കല്‍ കേന്ദ്രത്തില്‍ ഭാരതീയ ജനതാ പാര്‍ട്ടി അധികാരത്തില്‍ വന്നു. എതിരാളികള്‍ വരെ അമ്പരന്നു. അവര്‍ക്ക് പോലും നൂറു നൂറു പ്രതീക്ഷകള്‍ ആയിരുന്നു. ഒരു സുഹൃത്ത് അന്ന് പറഞ്ഞത് ഇനി പാക്കിസ്ഥാനും ആയി യുദ്ധം ഉണ്ടാകും എന്നൊക്കെ ആയിരുന്നു. എന്നിട്ടോ ..? കാര്‍ഗിലില്‍ ഉണ്ടായ സംഘട്ടനം അവിടെ നുഴഞ്ഞു കയറിയവരെ ഒതുക്കിയതോടെ നിര്‍ത്തി. ഒരു കടന്നാക്രമണം,പാക്കധീന കാശ്മീര്‍ പോലും പിടിച്ച്ചടക്കിയില്ല . അത് പോട്ടെ , അതൊരു നയതന്ത്ര നിലപാട് ആണെന്ന് വെക്കാം . പക്ഷെ .... ഏകീകൃത സിവില് കോഡ് നടപ്പാക്കാന്‍ സാധിച്ചോ ..? പാര്‍ട്ടിയെ അധികാരത്തിലെത്താന്‍ ഏറെ സഹായിച്ച ഭഗവാന്‍ ശ്രീരാമന്റെ സ്മാരകം എന്ന നിലയിലെങ്കിലും അയോധ്യയില്‍ ഒരു മന്ദിരം പണിയാന്‍ ,അതിനു വേണ്ടി നിയമം ഉണ്ടാക്കാന്‍ സാധിച്ചോ ..? ഒട്ടേറെ വിട്ടു വീഴ്ചകള്‍ , ചെയ്യേണ്ടി വന്നില്ലേ ..? അല്ലാതെ മുന്നോട്ടു പോകാന്‍ സാധിച്ചോ ..?
മാത്രമല്ല , പിന്നീട് (അതിനു മുന്‍പും ) പല സംസ്ഥാനങ്ങളിലും ജാതീയ ശക്തികളോട് വഴങ്ങി ആണ് മുന്നേറ്റമുണ്ടാക്കാന്‍ സാധിച്ചത് എന്നും കേള്‍ക്കുന്നു.
ഇതില്‍ നിന്നെല്ലാം എന്താണ് നാം മനസ്സിലാക്കേണ്ടത് ..? ജനാധിപത്യം ഉറച്ച ആദര്‍ശങ്ങള്‍ ഉള്ള പ്രസ്ഥാനങ്ങള്‍ക്ക് ചേര്‍ന്നതല്ല എന്ന് തന്നെ അല്ലെ ..? കോണ്ഗ്രസ് പോലുള്ള ആള്‍ക്കൂട്ടങ്ങള്‍ക് ഇവയെല്ലാം നന്നായി ചേരും. അപ്പപ്പോള്‍ ഓരോരോ നിലപാട്.. ഓരോരുത്തര്‍ക്കും ഓരോരോ നിലപാട് ,അതിനായി ഓരോരോ ഗ്രൂപ്പുകളും ഗ്രൂപ്പില്‍ ഗ്രൂപ്പുകളും. ..സര്‍വ്വത്ര അവസരവാദം മാത്രം !!
ഇവയെല്ലാം ഇതെല്ലാം കണ്ടുകൊണ്ടിരിക്കുന്ന ഈയുള്ളവന്റെ ചില സംശയങ്ങള്‍ മാത്രം. ഇവ പങ്കുവെച്ചു എന്നതിനാല്‍ ആര്‍ക്കും വിരോധം തോന്നരുതേ. ഇനി നിങ്ങള്‍ പറയൂ നിങ്ങളുടെ അഭിപ്രായങ്ങളും മറ്റും. ഞാന്‍ അവയില്‍ നിന്നും കൂടുതല്‍ മനസ്സിലാക്കാന്‍ ശ്രമിക്കാം.
5 comments:
ഏതൊരു രാഷ്ട്രീയ പാര്‍ട്ടിയും അഭിമുഖീകരിക്കുന്ന പ്രശ്നങ്ങള്‍ വളരെ നന്നായി തന്നെ വിശദീകരിച്ചിരിക്കുന്നു...ഒരു കേഡര്‍ പാര്‍ടിയില്‍ നിന്നും ബഹുജന പാര്‍ടി ആയി മാറുമ്പോള്‍ അതില്‍ പല രീതികളില്‍ ഉള്ള ആളുകളും വരും....അത് ഒഴിവാക്കാന്‍ ആകില്ല...ജാതി,മതം, പ്രാദേശികമായ വിത്യാസങ്ങള്‍ എന്നിവ ലോകത്ത് ഒരിടത്തും കാണാത്തത്ര രീതിയില്‍ നമ്മുടെ ഭാരതത്തില്‍ കാണാം എന്ന് മാത്രം അല്ല...ഒരു ഭാരതീയന്റെ ചിന്തകളില്‍ പോലും അതിന്റെ പ്രതിഭാലനങ്ങള്‍ ഉണ്ട്....അത് ഒഴിവാക്കാന്‍ പറ്റില്ല എന്നുള്ളത് കൊണ്ട് തന്നെ ആണ് ജാതിയും,മതത്തെയും ഒഴിവാക്കിയുള്ള ഒരു ഇടതു ചിന്തകള്‍ക്ക് ഇവിടെ പ്രസക്തി ഇല്ല എന്ന്...പിന്നെ ഇന്ത്യന്‍ ജനാധിപത്യം ഒരു നമ്പര്‍ ഗെയിം ആണ്, അത് ഇങ്ങിനെ ഉള്ള ജാതി കളികളില്‍ നിന്നും ലതന്നെ ആണ് ഭരിക്കാനുള്ള അവകാശം ലഭിക്കുന്നത് എന്നും തോനുന്നു...അല്ലെങ്കില്‍ ഇന്ത്യയിലെ പ്രശ്നങ്ങളെ പറ്റി വളരെ വ്യക്തമായി പഠിച്ചു,പ്രമേയങ്ങളും പരിപ്പടികളും ഇറക്കുന്ന സി പി എം എന്നാ പാര്‍ട്ടിക്ക് ഇന്ത്യന്‍ പാര്‍ലിമെന്റില്‍ ആകെ പത്തോളം എം പി മാര്‍ മാത്രം...ഇതൊന്നും ഇല്ലാത്ത മുലായത്തിന് മുപ്പതോളം എം പി മാര്‍..., എന്തൊരു വൈരുധ്യം ആണ് അത്....അത് കൊണ്ട് തന്നെ നമ്മുടെ പോലെ വൈവിധ്യമാര്‍ന്ന സംസ്കാരത്തില്‍ ഒഴിച്ച് നിര്‍ത്താന്‍ ആകാത്തതാണ് ഭിന്നിപ്പിച്ചു ഭരിക്കുക എന്നതും, അതിനു വേണ്ടി പല രീതിയില്‍ ഉള്ള പൊളിറ്റിക്കല്‍ ഗെയിം കളിക്കുക എന്നതും...ഇത് ഒഴിവാക്കാന്‍ പറ്റില്ല...പക്ഷെ എന്നിരുന്നാലും അതില്‍ ഒരു ഫെയര്‍ ഗെയിം കളിക്കുക എന്നതാണ് ഇന്ത്യയിലെ രാഷ്ട്രീയ പാര്‍ടികള്‍ക്ക് ചെയ്യാനുള്ളത്...ചെറിയ ചെറിയ രാഷ്ട്രീയ പാര്‍ട്ടികളെ ഒഴിവാക്കുക എന്നതാണ് ആദ്യം വേണ്ടത്...അതിനെ പറ്റി പിന്നെ എഴുതാം...താങ്കളുടെ ബ്ലോഗ്‌ നന്നായിട്ടുണ്ട്...എഴുത്ത് തുടരുക...
അനാവശ്യമായ കുത്തുകളും മറ്റും ഒഴിവാക്കുക !!
ചില കാര്യങ്ങളില്‍ വിയോജിപ്പ് ഉണ്ട്, ചിലതില്‍ യോജിപ്പും.
കുത്തുകള്‍ ആവശ്യത്തിന് മാത്രം മതി എന്ന് തോന്നുന്നു.
വായിക്കുകയും അഭിപ്രായങ്ങള്‍ പങ്കുവെക്കുകയും ചെയ്ത ഏവര്‍ക്കും നന്ദി ...!!
കുത്തുകളുടെ കാര്യം ഇനി ശ്രദ്ധിക്കാം... :)) നന്ദി !
ആദര്‍ശം പറഞ്ഞു വോട്ട് വാങ്ങും അധികാരത്തിന്റെ ചക്കരക്കുടത്തില്‍ കയ്യിടുമ്പോള്‍ അത് മറക്കും. പക്ഷെ ഒരു കാര്യം സത്യമാണ്, നമ്മുടെ നാട്ടില്‍ എന്തെങ്കിലും സംഭവിക്കണം എന്ന് ഉണ്ടങ്കില്‍ ഇനി ഉറച്ച തീരുമാനങ്ങള്‍ തന്നെ വേണം
Post a Comment